Magufuli awaonya maafisa wanaoendeleza ufisadi

Wakati akampeni za kuelekea uchaguzi mkuu ambao unatarajiwa kufanyika octoba 25 mwaka huu  Mgombea Urais kupitia Chama cha Mapinduzi John Pombe Magufuli ametoa onyo kali kwa maafisa walio katika taasisi za serikali  na halmashauri mbalimbali nchini wanaoendeleza na kufumbia,macho maswala ya,Rushwa na vitendo vya ufisadi na kuwa kikwa kwa maendeleo.
Magufuli ambaye ni mgombea Urais kwa tiketi ya chama cha mapinduzi CCM ambaye pia ni waziri wa Ujenzi  ametoa kauli hiyo wakati akiwahutubia wananchi na wanachama wa chama hicho katika mkutano mkoani Ruvuma wa kampeni zinazoendelea nchini na kudai kupambana na baadhi ya viongozi wasio waadilifu kwa  kutelekeza majukumu yao kikamilifu kuwa atakabiliana nao atakaposhinda uchaguzi mkuu.
Katika kampeni zake mkoani Ruvuma, Magufuli amewaahidi maendeleo wakaazi wa wilaya ya Songea endapo watampa ridhaa ya kuwa Rais wa jamuhuri ya Muungano wa Tanzania.

Dokta Magufuli ameweka wazi msimamo wake wa kukabiliana na ufisadi na uzembe kazini na kuahidi kula nao sahani moja kwakuwa wamekuwa wazembe kazini huku baadhi ya viongozi kufumbia macho viongozi wabadhilifu.


Matamshi yake ya ujasiri yameonekana kuzua msisimko katika mkutano huo wa siasa ambao umefanyika katika uwanja wa Majimaji mjini Songea mkoani Ruvuma ukiambatana na ahadi tele za maendeleo zikiwemo kuimarisha miundo mbinu, afya na elimu ikiwa ni miongoni mwa ahadi alizozipa kipaumbele wakati  akinadi sera za Chama cha Mapinduzi..
Viongozi wa CCM waliohudhuria kampeni hiyo wamewataka wakazi hao kuhakikisha wanawapigia kura wagombea wa chama hicho katika uchaguzi mkuu utakaofanyika tarehe 25 mwezi Oktoba mwaka huu.
Source:Startv.
StarTV